ⓘ එමා වොට්සන්. ඉංග්‍රිසි ජාතික නිළියක් හා නිරූපණ ශිල්පිණියක් වන එමා චාලට් ඩුරේ වොට්සන් හැරිපොටර් චිත්‍රපට මාලාවේ හමායනි ග්‍රේන්ජර් නම් චරිතයට පණපොවමින් ප්‍රසිද්ධි ..

                                     

ⓘ එමා වොට්සන්

ඉංග්‍රිසි ජාතික නිළියක් හා නිරූපණ ශිල්පිණියක් වන එමා චාලට් ඩුරේ වොට්සන් හැරිපොටර් චිත්‍රපට මාලාවේ හමායනි ග්‍රේන්ජර් නම් චරිතයට පණපොවමින් ප්‍රසිද්ධියට පත් වූවාය. වයස අවුරුදු නවයේදී හමායනි චරිතයට පණපොවන වොට්සන් ඒ වන විටත් රගපා තිබුණේ පාසලේ නාට්‍යය වල පමණි. වසර 2001 සිට 2011 දක්වා ඇය හැරිපොටර් චිත්‍රපට මාලාවේ චිත්‍රපට අටකට නිරූපණ දායකත්වය සැපයූවේ ඩැනියල් රැඩ්ක්ලිෆ් සහ රුපර්ට් ග්රින්ට් සමගය. හැරිපොටර් චිත්‍රපට මාලාව තුල වොට්සන් දැක්වූ කෞෂල්‍යය ඇයට සම්මාන කිහිපයක් මෙන්ම පවුම් මිලියන 10 කට වඩා මුදලක් උපයා ගැනීමටද සමත් විය. ඇය සිය නිරූපණ දිවියේ මංගල දැක්ම ඉදිරිපත් කලේ 2009 වසරේ පැවැති බ්බරිගේ සරත්/ ශීත ව්‍යාපාරයේදීය.

වසර 2007 දි වොට්සන් තම දායකත්වය සැපයෙන නිශ්පාදන දෙකක් පිළිබද ප්‍රකාශයට පත්කළාය. ඒවා නම් බැලට් ෂූස් නවකථාව Ballet Shoesnovel) පදනම් කරගත් රූපවාහිනී නිර්මාණය හා ද ටේල් ඔෆ් ඩෙස්පරයස් නම් වු සජීවීකරණ චිත්‍රපටයයි. වසර 2007 දෙසැම්බර් මස 26 වන දින බැලට් ෂූස් චිත්‍රපටය Ballet Shoesfilm) මිලියන 5.2 තරම් විශාල ප්‍රේක්ෂක පිරිසක් ඉදිරියේ විකාශනය කරණ ලදී. කේට් ඩිකැමිලෝ Kate DiCamillo ගේ නවකථාවක් novel ඇසුරෙන් නිර්මාණය වූ ද ටේල් ඔෆ් ඩෙස්පරයස් The Tale of Despereaux වසර 2008 දී නිකුත් කල අතර එය ලොවපුරා දළ වශයෙන් ඇමරිකානු ඩොලර් මිලියන 86 ක් ඉක්මවාගිය විකුණුම් ප්‍රමාණයක් වාර්තා කරණ ලදී.

                                     

1. මුල් අවදිය

පැරිසියේ උපත ලැබූ එමා වොට්සන්ගේ දෙමව්පියන් වූයේ වෘත්ති‍යෙන් බ්‍රිතාන්‍යය ජාතික නීතිඥයන් වූ ජැකලින් ලුයිස්බයි සහ ක්‍රිස් වොට්සන්ය. වයස අවුරුදු පහක් වන තුරුම පැරීසියේ ජීවත්වූ වොට්සන් හට ප්‍රංශ ජාතික මිත්තණියක් සිටින්නීය. ඇයගේ දෙමාපියන්ගේ දික්කසාදයෙන් පසුව වොට්සන් සිය මව සහ බාල සොහොයුරා සමග ඔක්ස්ෆෝඩ්ෂියර් Oxfordshire හි පදිංචියට ගියාය.

වයස අවුරුදු හයක් තරම් කුඩා කල සිටම වොට්සන් නිළියක් වී‍මේ දැඩි ආශාවකින් පසුවූවාය. ඇය වසර කිහිපයක් අර්ධ කාලීන රැගුම් පාසලක්වූ ස්ටේජ්කොච් රංග කලායතනයේ Stagecoach Theatre Arts ඔක්ස්ෆඩ් ශාඛාවේ ගායනය, නර්ථනය හා රංගනය හැදෑරුවාය. වයස අවුරුදු දහය වන විට ඇය ස්ටේජ්කොච් හි විවිධ නිශ්පාදන මෙන්ම පාසලේ නාට්‍ය වල රංගන කටයුතු සදහා දායකවී තිබුණාය. එම නිර්මාණ අතර ආතර්: ද යන්ග් ඉයර්ස් ඇන්ඩ් හැපී ප්‍රින්ස් The Young Years and The Happy Prince විය, නමුත් හැරිපෝටර් චිත්‍රපට මාලාවට පෙර ඇය වෘත්තිය මට්ටමේ රංගන කටයුත්තක් සදහා දායකවී නොතිබිණි." මට චිත්‍රපට මාලාවේ ප්‍රමාණය ගැන කිසිම අදහසක් තිබුණෙ නැහැ," 2007 පැරේඩ් සගරාව Parade සමග පැවති සම්මුඛ සාකච්ඡාවකට සහභාගී වෙමින් ඇය පැවසුවාය." මම එය දැනසිටියානම් මම සම්පූර්ණයෙන්ම විනාශයට පත්වීමටත් තිබුණා."

                                     

2.1. වෘත්තිය හැරිපෝටර්

බ්‍රිතාන්‍යය ජාතික ලේඛිකාවක වු ජේ.කේ.රෝල්වින්ගේ J.K.Rowling මහත් සේ අලෙවියට පත්වූ නවකථාවක් novel වූ හැරිපෝටර් ඇන්ඩ් ෆිලෝසොෆර්ස් ස්ටෝන් Harry Potter and the Philosophers Stone හි චිත්‍රපට අනුවර්ථනය සදහා වසර 1999 දී නඵ වරණය ආරම්භ විය. ඔක්ස්ෆඩ් නාට්‍ය ශාලාවේ ගුරුවරුන් ඔස්සේ වොට්සන් පිළිබද නඵ වරණ ඒජන්තවරු මුල් වරට දැනගත් අතර නිශ්පාදකවරු ඇයගේ ආත්ම විශ්වාසය පිළිබද මහත් විශ්මයට පත්විය. යෝග්‍යයතා පරීක්ෂණ අටකට පසුව නිශ්පාදක ඩේවිඩ් හේමන් David Heyman පවසා සිටියේ වොට්සන් සහ සම අපේක්ෂකයන් වූ ඩැනියල් රැඩ්ක්ලිෆ් සහ රුපර්ට් ග්රින්ට් පිළිවෙලින් හමායනි ග්‍රේන්ජර්, හැරිපෝටර් Harry Potter සහ රොන් වීස්ලි Ron Weasley නම් පාසල් මිතුරන්ගේ චරිත නිරූපණයට යොමු කරන බවයි. වොට්සන්ගේ මංගල කඩතුරාව සදහා රෝල්වින්ගේ සහය ලැබිණි.

2001 වසරේ නිකුත් කරණ ලද හැරිපෝටර් ඇන්ඩ් ෆිලෝසොෆර්ස් ස්ටෝන් Harry Potter and the Philosophers Stone, වොට්සන්ගේ මංගල රංගන දර්ශනය විය. එම චිත්‍රපටය ප්‍රථම දර්ශන දිනයේ හා ප්‍රථම දර්ශන සතියේ වැඩිම අලෙවියක් මෙන්ම 2011 වසරේ වැඩිම අලෙවියක් යන වාර්තා බිද දැමීමට සමත් විය. චිත්‍රපටයේ ප්‍රධාන චරිත වල රංග ප්‍රතිභාව පිළිබද චිත්‍රපට විචාරකයෝ මහත් සේ වර්ණනා කල අතර ඒ අතුරින් වොටිසන්ගේ රංගනය විශේෂ ගෞරවාදරයට පත්විය. ද ඩේලි ටෙලිග්‍රෆ් The Daily Telegraph ඇයගේ රංගනය ප්‍රශංසනීය ලෙස නම් කල අතර IGN වෙබ් කලාපය දක්වා තිබුණේ ඇය චිත්‍රපටය පුරා රසික සිත් පැහැරගත් බවය. ෆිලෝසොෆර්ස් ස්ටෝන් හි වොට්සන් දැක්වු රංගන කෞෂල්‍යය නිසා ඇය ගේ නම සම්මාන පහක් සදහා නිර්දේෂ වූ අතර ඇය නැගීඑන යෞවන නිළියට හිමි යන්ග් ආර්ටිස්ට් අවෝඩ් Young Artist Award දිනා ගන්නා ලදී.

වසරක කාලයක ඇවෑමෙන් විත්‍රපට මාලාවේ දෙවන කොටස ලෙස එළිදැක්වූ හැරිපෝටර් ඇන්ඩ් ද චේම්බර් ඔෆ් සීක්රට් Harry Potter and the Chamber of Secrets හි හමායනි චරිතයට වොට්සන් පණ පොවන ලදී. එහි ප්‍රධාන චරිතය විචාරකයන්ගේ වර්ණනාවට ලක්විය. ලොස් ඇන්ජලීස් ටයිම්ස් Los Angeles Times පුවත්පත ප්‍රකාශයට පත්කර සිටියේ වොට්සන් හා ඇයගේ මිතුරන් චිත්‍රපට මාලාවේ පළමු කොටස සහ දෙවන කොටස අතර තුර පරිණත රංගන ශිල්පීන් බවට පත්ව ඇති බවයි. මේ අතර ටයිම්ස් The Times පුවත්පත චිත්‍රපටයේ අධ්‍යක්ෂක ක්‍රිස් කොලොම්බස් Chris Columbus විවේචනය කරමින් වාර්තා කර තිබුණේ ඔහු වොට්සන්ගේ මහත්වූ ජනප්‍රිය චරිතය වෙනුවෙන් සාදාරණ වටිනාකමක් නොගෙවූ බවයි. වොට්සන් ඇයගේ රංගන ප්‍රතිභාව වෙනුවෙන් ජර්මානු සගරාවක් වන බ්‍රාවෝ Bravo විසින් පිරිනැමු ඔට්ටො Otto නම් සම්මානයටද පාත්‍රවිය.

2004 වසරේදි හැරිපොටර් ඇන්ඩ් ද ප්‍රිස්නර් ඔෆ් ඇස්කබාන් Harry Potter and the Prisoner of Azkaban එළිදක්වන ලදී. හමායනි භූමිකාව පුරා වොට්සන් දැක්වූ ගර්විත රංගන කුසලතාවය කාගේත් ඇගයීමට ලක්වූ අතර එය චිත්‍රපටය පුරාවටම ප්‍රභාසම්පන්න මෙන්ම අරුම පුදුම චරිතයක් බවට පත්විය. චිත්‍රපටය තුල රැඩ්ක්ලිෆ්ගේ රංගනය අනම්‍ය හා කුසලතා නොපිරුණු එකක් බවට විවේචනය කල විචාරකයෝ වොට්සන්ගේ රංගනය මහත්සේ වර්ණනා කළෝය. නිව්යෝක් ටයිම්ස් The New York Times ඇයගේ රංගනය අගය කරමින් දක්වා සිටියේ" රැඩ්ක්ලිෆ් මහතාගේ මොළොක් භාවට වොට්සන් මෙනවියගේ. හිලව් වූ බවය. හැරී තමන්ගේ මහත්වූ විජ්ජා හැකියාවන් ගෙනහැර දක්වන්නට ඇති. නමුත් හමායනි විජ්ජා බලයක් නොමැතිව ඩ්‍රැකෝ මැල්ෆෝයි Draco Malfoy ගේ නහයට ගැසූ මුෂ්ඨි පහර මහත් අත්පොළසන් නාදයට පාත්‍රවිය. ප්‍රිස්නර් ඔෆ් ඇස්කබාන් චිත්‍රපටය ලබා තිබූ ආදායම 2009 වසරේ අප්‍රෙල් මස වන විට හැරීපොටර් චිත්‍රපට මාලාවේ චිත්‍රපටයක් ලබා තිබූ අඩුම ආදායම වුවද වොට්සන්ගේ පෞද්ගලික රංගන කුසලතාව ඇයට ඔට්ටො සම්මාන දෙකක් හා ටොටල් ෆිල්ම් සගරාව Total Film මගින් පිරිනමන වසරේ ළමා රංගන කුසලතා සම්මානය දිනා දීමට සමත්විය.

2005 වසරේ හැරිපොටර් ඇන්ඩ් ද ගොබ්ලට් ඔෆ් ෆයර් Harry Potter and the Goblet of Fire තිරගත වීමත් සමග වොට්සන් සහ හැරීපෝටර් චිත්‍රපට මාලානව සංධිස්ථානයකට ලගාවිය. එය ඇමරිකා එක්සත් ජනපදයේ හැරිපොටර් චිත්‍රපටයක හොදම ආරම්භක සතිඅන්තය හා හොදම මැයි නොවන ආරම්භක සතිඅන්තය යන වාර්තා මෙන්ම එංගලන්තයේ හොදම ආරම්භක සතිඅන්තය යන වාර්තාවද පිහිට වීමට සමත් විය. විචාරකයෝ වොට්සන් සහ ඇගේ නවයොවුන්වියේ පසුවන සමකාලීන තරුවල වර්ධනය වෙමින් පවතින පරිණතභාවය ගැන වර්ණනා කළහ. නිව්යෝක් ටයිම්ස් සගරාව පවසා සිටියේ ඇයගේ රංගනය සිත තුලට කාවදින අව්‍යාජ රංගනයක් බවයි. වොට්සන්ට නම් චිත්‍රපටය තුල හාස්‍ය රසය බොහෝසෙයින් බිදවැටුනේ/ ජනිතවූයේ පරිණතභාවයට පත්වෙමින් සිටි ප්‍රධාන චරිත තුල තිබූ අවිනිශ්චිතභාවයයි." මම ඒ වාද විවාද වලට දැඩිලෙස ඇලුම් කලා. මං හිතන විදිහට ඔවුන් වාද කිරීමත් එමගින් ප්‍රශ්න ඇතිවීමත් යථාර්තවාදියි" යැයි වොට්සන් පවසා සිටියාය. ගොබ්ලට් ඔෆ් ෆයර් හි රංගනය වෙනුවෙන් සම්මාන තුනකට නිර්දේශවූ වොට්සන් ලොකඩ ඔට්ටො සම්මානය දිනාගත්තාය. එම වසර අවසාන භාගයේදී වොට්සන් ටීන් වෝග් Teen Vogue සගරාවේ මුල් පිටුවේ පෙනීසිටි ලාබාලම තැනැත්තිය බවට පත්වූ අතර 2009 අගෝස්තු මාසයේ නැවත වරක් එම වරම උදාකරගත්තාය. 2006 වසරේදී දෙවන එළිසබත් රැජින Queen Elizabeth II ගේ 80 වන ජන්ම දිනය සමරමින් හැරිපොටර් කතාමාලාවේ කුඩා සුවිශේෂ කථාංගයක් වූ ද ක්වීන්ස් හෑන්ඩ්බෑග් The Queens Handbag හි හමායනි චරිතය වොට්සන් නිරූපණය කලාය.

හැරිපොටර් අධිකාරියේ පස්වන චිත්‍රපටය වන හැරිපොටර් ඇන්ඩ් ද ඕඩර් ඔෆ් ෆීන්ක්ස් Harry Potter and the Order of Phoenix 2007 වසරේ නිකුත් කෙරිණි. ලොවපුරා ආරම්භක සතිඅන්තයේ වාර්තාගත ඇමරිකානු ඩොලර් මිලියන 332.7 ක ආදායමක් ලබමින් එම චිත්‍රපටය ඉතා විශාල මූල්‍ය වශයෙන් සාර්ථකත්වයකට පත්විය. වොට්සන් එහිදී ප්‍රථම වරට හොදම කාන්තා රංගනයට හිමි නැෂනල් මූවි එවෝඩ National Movie Award සම්මානයට පාත්‍රවිය. ඇයගේ ප්‍රසිද්ධිය මෙන්ම චිත්‍රපට මාලාව ඉදිරියට ඇදෙත්ම වොට්සන් සහ හැරිපොටර් චිත්‍රපට මාලාවේ ඇයගේ සහෘද සමකාලීන ප්‍රසිද්ධ නළුවන් වූ ඩැනියල් රැඩ්ක්ලිෆ් සහ රුපර්ට් ග්රින්ට් 2007 වසරේ ජූලි මාසයේ නව වන දින හොලිවුඩ් හි ග්‍රව්මන්ස් චයිනීස් තියටර් Graumans Chinese Theater ඉදිරියේ.

වසර 2007 ජූලි මස වන විට හැරිපොටර් චිත්‍රපට මාලාව තුලින් වොට්සන් උපයා තිබූ මුදල පවුම් මිලියන 10 ඉක්මවිය. මෙම මුදල ඇය පිළිගත්තේ තමාට කිසිදිනක නැවත මුදල් වෙනුවෙන් රංගනයේ යෙදීමට අවශ්‍යතාවක් නැති තරම් විශාල මුදලක් බවයි. වසර 2009 මාර්තු මාසයේ ෆෝබ්ස් Forbes ලැයිස්තුගත කිරීම අනුව ඉතා වටිනාම යෞවන තරු අතර 6 වන ස්ථානයට පැමිණීමට සමත්වූ වොට්සන් 2010 වසරේ පෙබරවාරි මාසයේදී හොලිවුඩයේ වැඩිම මුදලක් ගෙවන ලද කාන්තා තාරුකාව බවට නම් ලද්දේ 2009 වසරේ ආසන්න වශයෙන් පවුම් මිලියන 19 ක මුදලක් උපයමිනි.

ඕඩර් ඔෆ් ෆීන්ක්ස් චිත්‍රපටය සාර්ථකවී තිබියදීත් ප්‍රධාන චරිත තුනට ජීවය ලබාදුන් රංගන ශිල්පීන් අවසාන කථාංග දෙක සමග සම්බන්ධවී කටයුතු කිරීමට දැක්වූ දෙගිඩියාත්මක තත්වය හැරිපොටර් අධිකාරියේ අනාගතය චකිතයකින් වෙලාගත්තේය. අවසානයේ රැඩ්ක්ලිෆ් අවසාන චිත්‍රපට සදහා 2007 වසරේ මාර්තු 2වන දින ගිවිසුම් අත්සන් කල නමුත් වොට්සන් සැළකියයුතු ලෙස පසුබට විය. මෙම තත්ත්වය සම්බන්ධයෙන් හේතු පැහැදිලි කරමින් ඇය පවසා සිටියේ චිත්‍රපටයේ තමාගේ චරිතය වෙනුවෙන් තවත් වසර හතරක් කැපකිරීම ඉතා සැළකිලිමත් ලෙස ගතයුතු තීරණයක් බවයි. නමුත් අවසානයේදී තම තීරණය කරමින් 2007 වසරේ මාර්තු මස 23 වන දින හමායනී චරිතය සදහා ගිසිසුම් අත්සන් කරමින් ඇය පවසා සිටියේ හමායනී චරිතය අතහැර බලාසිටිය නොහැකි බවයි. අවසාන චිත්‍රපට සදහා වොට්සන් සිදුකල කැපකිරීම වෙනුවෙන් ඇයට චිත්‍රපටයක් සදහා ගෙවන ලද මුදල පවුම් මිලියන 2ක් දක්වා දෙගුණ කරණ ලදී. වොට්සන් සමාප්ති වශයෙන් ප්‍රකාශකර සිටියේ අවසානයේ ධනාත්මක හේතූන් ඍණාත්මක හේතුන් අභිබවා ගිය බවයි. 2007 වසර අවසාන භාගයේදී 6 වන චිත්‍රපටයේ ප්‍රධාන රූගතකිරීම් Principal Photography ආරම්භ කල අතර වොට්සන්ගේ රූගතකිරීම් දෙසැම්බර් මස 18 සිට 2008 වසරේ මැයි 17 දක්වා සිදුකෙරිණි.

වසර 2008 නොවැම්බර් මස සිට පමාවෙමින් තිබූ හැරිපොටර් ඇන්ඩ් ද හාෆ් බ්ලඩ් ප්‍රින්ස් Harry Potter and the Half-Blood Prince චිත්‍රපටය 2009 වසරේ ජූලි මස 15 වන දින මුල්වරට තිරගත කෙරිණ. විසිවන වියට පාතබමින් සිටි ප්‍රධාන භූමිකාව රගපෑ නළුනිලියව, ක්ෂේත්‍රෙය් ප්‍රවීණයන් සමග සම මට්ටමෙන් සැසදීමට රුචිකත්වයක් දැක්වූ විචාරකයෝ මෙසේ තම අදහස් දක්වා සිටියෝය. ලොස් ඇන්ජලීස් ටයිම්ස් විස්තර කර තිබුණේ මෙය වර්තමාන එංගලන්ත රංගන කලාවට සම්පූර්ණ මගපෙන්වීමක් බවයි. ද වොෂින්ටන් පොස්ට් The Washington Post පුවත්පත පවසා සිටියේ වොට්සන් ඇය එතෙක් ඉදිරිපත් සිත්ගන්නා සුළුම රංගනය ඉදිරිපත් කල බවයි. මේ අතර ද ඩෙයිලි ටෙලිග්‍රාෆ් පුවත්පත ප්‍රධාන නළුවන් ගැන අදහස් දක්වා සිටින්නේ මෙසේය." නව නිදහසකින් හා ජවයකින් යුතු ඔවුහු චිත්‍රපට මාලාවේ අවසාන කොටස් වෙනුවෙන් තම උපරිමය ඉටුකිරීමට මහත් උනන්දු වූහ."

වොට්සන්ගේ හැරිපොටර් චිත්‍රපට මාලාවේ අවසාන නිරූපණය වන හැරිපොටර් ඇන්ඩ් ද ඩෙත්ලි හැලෝස් 2009 වසරේ පෙබරවාරි මස 18 වන දින ආරම්භ වූ අතර එම කටයුතු 2010 වසරේ ජූනි 12 වන දා අවසන් විය. මූල්‍ය සම්පත් හා පිටපතේ හේතූන් මක මුල් කෘතිය චිත්‍රපට දෙකක් ලෙසින් අනුපිළිවෙලින් රූගතකරණ ලදී. හැරිපොටර් ඇන්ඩ් ද ඩෙත්ලි හැලෝස් Harry Potter and the Deathly Hallows part I හි පළමු කොටස 2010 වසරේ නොවැම්බර් මස නිකුත්කල අතර දෙවන කොටස 2011 වසරේ ජූලි මස නිතුත්කරණ ලදී.

                                     

2.2. වෘත්තිය වෙනත් රංගන කටයුතු

වොට්සන්ගේ හැරීපොටර් චිත්‍රපට මාලා‍වේ නොවන ප්‍රථම චරිතය වූයේ නොයෙල් ස්ට්රීවට්ෆීල්ඩ් Noel StreatField ගේ බැලට් ෂූස් Ballet Shoes නම් නවකතාව පදනම් කරගත් 2007 වසරේ තිරගතවූ BBC චිත්‍රපටයක් වන බැලට් ෂූස් Ballet Shoes ය. චිත්‍රපටයේ අධ්‍යක්ෂක සැන්ඩ්රා ‍ගෝල්ඩ්බේෂර් Sandra Goldbacher පවසා සිටියේ දිදුලන චරිතයක් වන පෞලින් ෆොසිල් Pauline Fossil ගේ භූමිකාව සදහා වොට්සන් කදිම ආදේශයක් බවයි. ඇය සතු තීක්ෂණ සුකුමාල ශරීර ප්‍රභාව ඇය කෙරේ නැවත නැවතත් ඇස ඇදබැද තබාගැනීමට සමත් විය. බැලට් ෂූස් 2007 වසරේ එංගලන්තයේදී බොක්සිං දින Boxing Day මිලියන 5.7 තරම් ප්‍රේක්ෂකයන් ප්‍රමාණයක් වෙනුවෙන් විකාශනය වූ අතර ඒ සම්බන්ධයෙන් ලැබුණු ගුණදොස් විචාර නම් එතරම් ප්‍රබල නොවීය. මැතිව් බ්‍රෝඩෙරික් Matthew Broderick හා හැරිපොටර් චිත්‍රපට මාලාවේ සමකාලීන තරුවක්වූ රොබි කොල්ට්‍රේන් Robbie Coltrane රංගනයෙන් දායකවූ සජීවීකරණ ළමා විකට චිත්‍රපටයක්වූ ද ටේල් ඔෆ් ඩෙස්පරියක්ස් The Tale of Despereaux පියේ කුමරියගේ චරිතය හඩකැවීම සදහා වොට්සන් දායක විය. 2008 වසරේ දෙසැම්බර් මස නිකුත් කල ද ටේල් ඔෆ් ඩෙස්පරියක්ස් චිත්‍රපටය ලොවපුරා ඇමරිකානු ඩොලර් මිලියන 87 ක දළ ආදායමක් වාර්තා කලේය. 2008 වසරේ දෙසැම්බර් මාසයේදී වොට්සන් පවසා සිටියේ තමන් හැරිපොටර් චිත්‍රපට මාලාව අවසන් වීමෙන් පසු විශ්ව විද්‍යාලයට ප්‍රවේශ වීමට බලාපොරොත්තුවෙන් සිටින බවයි.

2010 වසරේ මැයි මාසයේ නිකුත්වූ වාර්තා වලට අනුව වොට්සන් ද පර්ක්ස් ඔෆ් බීං එ වෝල්ෆ්ලවර් The Perks of being a Wallflower නවකථාවේ චිත්‍රපට අනුරූපණයේ ප්‍රධාන චරිතය සදහා සාකච්ඡා කරමින් පැවතින. එහි නිරූපණ කටයුතු 2011 වසරේ ගිම්හාන ඍතුවේ ආරම්භ කෙරිණ. එම මාසයේදීම ඇය ප්‍රකාශ කර සිටියේ 2010 වසරේ ශිත/ගිම්හාන බබෙරි වෙළද ප්‍රචාරණ ව්‍යාපාරයේ ප්‍රධාන ගායකයෙකු වන ජෝජ් ක්‍රේග් George Craig හමුවීමෙන් පසුව තමන් වන් නයිට් ඔන්ලි One Night Only ගීත රූප රචනාවේ පෙනී සිටීමට බලාපොරොත්තුවන බවය. ‘සේ යූ ඩෝන්ට් වෝන්ට් ඉට්‘ Say You Dont Want It රූප රචනාව 2010 වසරේ ජූනි මස 26 වන දින චැනල් 4 Channel 4 හි අපවාරිත කල අතර අගෝස්තු 16 වන දින නිකුත් කරණ ලදී. හැරිපොටර් චිත්‍රපට මාලාවෙන් පසු වොට්සන්ගේ ප්‍රථම චිත්‍රපට නිරූපණය වූයේ 2011 වසරේ මයි වීක් වත් මෙරිලින් My Week with Marilyn හි ප්‍රධාන චරිතයවූ කොලින් ක්ලාක් ගේ සහයිකාව ලෙස ඉතා සුළු කාලයක් රගපෑ ලුසි නම් චරිතයයි. වොට්සන් තමන් සංගීතමය චිත්‍රපටයකට දායකවීමේ කැමැත්තක්ද ඇති බව ප්‍රකාශ කර සිටියාය.



                                     

2.3. වෘත්තිය නිරූපණ ක්ෂේත්‍රය

2008 වසරේදි බ්‍රිතාන්‍ය මාධ්‍ය චැනල් Chanel මෝස්තර නිරූපණ ශිල්පාගාරයේ ප්‍රධාන නිරූපිකාව වන කියරේ නයිට්ලේ Keira Knightley ගේ ස්ථානයට වොට්සන් ආදේශ වන බව වාර්තා කල නමුත් දෙපාර්ශවයම මෙම කරුණ ප්‍රතික්ෂේප කලහ. මාස කිහිපයක් පුරා පැතිරුණු කටකතාවලින් අනතුරුව 2009 වසරේ ජූලි මාසයේදී වොට්සන් ස්ථිර කරමින් පවසා සිටියේ තමන් බබෙරි Burberry හි නව ව්‍යාපාරයේ මුහුණුවර වශයෙන් හවුල්වන බවය. බබෙරිහි 2009 සරත්/ශීත සංග්‍රහයේ නිරූපණ කටයුතු සදහා වොට්සන්ට ඉලක්කම් හයක මුදලක් ගෙවූ බව වාර්තාවේ. පසුකාලීනව වොට්සන් බබෙරිහි 2010 සිසිර/ගිම්හාන ව්‍යාපාරයේ පෙනී සිටියේ ඇයගේ සොයුරු ඇලෙක්ස්, සංගීතඥ ජෝජ් ක්‍රේග් හා මැට් ගිල්මර් සහ මැක්ස් හර්ඩ් සමගය. 2011 වසරේ මාර්තු මස ලැන්කෝම් Lancome වෙනුවෙන් නිරූපණායේ යෙදෙමින් වොට්සන් තවදුරටත් මොස්තර නිරූපණ වෙළද ප්‍රචාරණ කටයුතු සදහා තම දායකත්වය සැපයීය.

2009 වසරේ සැප්තැම්බර් මාසයේ ෆෙයා ට්‍රේඩ් Fair Trade හි මොස්තර නාමයක් වන පීපල් ට්‍රී People Tree සමග ඇගේ දායකත්වය වොට්සන් ප්‍රසිද්ධියේ දන්වා සිටියේය. පීපල් ට්‍රී හි නිර්මාණ උපදේශිකාවක් ලෙස කටයුතු කල වොට්සන් වසන්ත කාලය සදහා ඇදුම් පැළදුම් මාලාවක් නිර්මාණය කල අතර එය 2010 වසරේ පෙබරවාරි මස නිකුත් කෙරිණි. එම මොස්තර නිර්මාණ පරාසය තුල දකුණු ප්‍රංශ හා ලන්ඩන් නගරයේ City of London රසයන් ගැබ්වී තිබිණි. මෙම එකතුව ද ටයිම්ස් The Times පුවත්පත විසින් විස්තර කර තිබුණේ ඉතා දක්ෂ නිර්මාණයක් ලෙසය. වොට්සන් පීපල් ට්‍රී සමග තිබූ සම්බන්ධය දිගින් දිගටම පැවැත්වූ අතර එහි ප්‍රතිඵලයක් ලෙස 2010 සරත්/ශීත සංග්‍රහය එළිදැක්වීය.

                                     

3. පෞද්ගලික ජීවිතය

සිය මව හා සොහොයුරා සමග ඔක්ස්ෆෝඩ් වෙත පැමිණිමෙන් පසුව වසර 2003 ජූනි මාසයේදී ද ඩ්‍රැගන් ස්කූල් වෙත ගිය අතර ඉන් පසුව ඔක්ස්ෆෝඩ් හිම හෙඩිංටන් Headington School පාසලට මාරුවිය. ඔවුන් චිත්‍රපට වේදිකාවේ සිටින විට වොට්සන් හා ඇගේ සමකාලීනයන් දිනකට පැය පහ බැගින් අධ්‍යාපනයේ නියලීමට කටයුතු කලේය. 2006 වසරේ ජූනි මාසයේ වොට්සන් විශයන් 10ක් සමග GCSE විභාගයට පෙනීසිටි අතර එහිදී A* ප්‍රතිථල 8ක් සමග A ප්‍රතිථල දෙකක් ලබා ගත්තාය. පාසල හැරයාමත් සමග 2009 වසරේ පෙබරවාරි මස ආරම්භයේ හැරිපොටර් ඇන්ඩ් ද ඩෙත්ලි හැලෝස් චිත්‍රපටයේ වැඩකටයුතු වලට යොමුවු බැවින් වසරක කාලයක් මගහැරී ගියද වොට්සන් පවසා සිටියේ තමාට අනිවාර්යෙන්ම විශ්වවිද්‍යාලයට යෑමට අවශ්‍ය බවයි. ප්‍රොවිඩන්ස් සගරාව The Providence Journal වාර්තාකල අන්දමට වොට්සන් රෝඩ් දිවයිනේ ප්‍රොවිඩන්ස් Providence හි පිහිටි බ්‍රවුන් විශ්වවිද්‍යාලයට Brown University යාමට තීරණය කල බව සනාථ කර තිබිණි. මාස 18 කාලයක් විශ්වවිද්‍යාලයේ කටයුතු සදහා යෙදවීමෙන් අනතුරුව 2011 වසරේ මාර්තු මාසයේදි වොට්සන් නිවේදනය කරමින් කියා සිටියේ ඇය සිය පාඨමාලාව අර්ධ වර්ශයකට හෝ දෙකකට පමා කරමින් ඩෙත්ලි හැලෝස් චිත්‍රපටය එළිදැක්වීම වෙනුවෙන් පැවැත්වෙන වෙළද ප්‍රචාරණ කටයුතු හා අනෙකුත් ව්‍යාපෘති සමග සම්බන්ධ වන බවයි.